وصفات أكل مصري و شرقي

الأحد، 9 مارس 2014

كيفية عمل صنية ريش مع البسلة في الفرن

صنية ريش مع البسلة في الفرن

الطريقة
تبلت الريش بميه بصل ومايه طماطم وملح وفلفل وبعدين حمرتها فى الصينيه ومكان التحمير حطيط البسله علشان تاخد من الطعم وحطيط ورق لورا وحبهان وبعد كده رجعت رصيت الريش تانى وزودت فوقها بهارات الطاهى اه كمان بحط على البسله ملح وفلفل وبعدين غطتها بالفويل وسوتها على النار ودخلتها تنشف فى الفرن بسالحمه بتكون طريه لانها خدت السوا على البتاجاز والفرن يديها بس الون المشوى

طريقة عمل ستيك اللحم بالكريمة

طريقة عمل ستيك اللحم بالكريمة

ملعقتين صويا صوص

ملعقة زبادى

ملعقتين خل

ملعقة مسطردة

بابريكا
بهار لحم
كسبرة +زعتر +نعناع

3 قطع ستيك لحم

نشوحهم فى حوالى ملعقتين زيت زيتون لحد ما ياخد اللون
حوالى دقيقتين لكل جانب
بعدين تلفيهم فى الفويل وتسيبيهم يرتاحو حوالى 15 دقيقة
اما تفتحى عليهم هيكون فى صوص بنى نزل فى الفويل ضيفيه على خليط الكريمة ليه نكهة جميلة وبيعمل اللون البنى

قليت بصلة وفصين ثوم

عشان احافظ على وزنى بدل الكريمى استعملت كوب لبن وملعقة نشا ادتنى نفس القوام الكريمى

نزلى اللحم والصوص بتاعه

عالفرن 180 حوالى 30 دقيقة او لحد ما تحسى اللحم استوى

وده الشكل النهائي وقدميه مع صوص الباربكيو

طريقة عمل اللحمه بارده

طريقة عمل اللحمه بارده

الطريقة
ورز بالخلطه وخضار سوتيه وصوص اللحمه. اللحمه بشتريها عرق ملفوف بالخيط الصالح للاكل من الجزار او السوبر ماركت زى كارفور وبعدين بغرز فيها فصوص توم من بليل واسيبها فى التلاجه لحد تانى يوم وبعدين بجيب طاسه تيفال واديها وش من كل ناحيه وبعدين بجيب الخضار اللى احبه واغسله واقطعه واحطه حوالين اللحمه واغطيها بورق فويل وعلى الفرن ولما بتستوى بشيلها من الطاسه هى والخضار والميه اللى نزلت منها بغليها مع ربع معلقة دقيق علشان تبقى الصوص .الرز بالخلطه بحرق معلقة سكر لكل كوباية رز وانزل بالميه وبهارات الرز بالخلطه واكزن ناقعه الرز البسمتى او العادى واول لما الميه تغلى انزل بالرز واسيبه يستوى واكون محمره مكسرات وناقعه زبيب فى شوية ميه واغرف الرز فى الاطباق وازوقه بالمكسرات وبالف هنا

طريقة عمل بيكاتا بالمشروم

طريقة عمل بيكاتا بالمشروم

ستيك لحم مدقوق ومتبل بملح وفلفل فقط

يشوح فى ملعقة زيت حتى ينشف ماؤه ويرفع

يرص اللحم فى صينية فرن

لعمل الخليط
تقلى بصلة جوانح وعند ذبولها توضع حبة فلفل شرائح ثم المشروم مع فصين ثوم

يوضع الخليط فوق اللحم

لعمل الصوص
2 ملعقة كبيرة دقيق تقلى فى ملعقة زيت

يوضع فوق الدقيق كوب ماء ومكعب مرقة دجاج
وعند الغليان يوضع كوب كريمة ويقلب ويوضع ملح وفلفل

يصب الصوص فوق الخليط

تغطى الصينيه بفويل وتدخل الفرن 180 لساعة ونصف او حسب ما تحبى طريقة تسوية اللحم

ده الشكل النهائي

السبت، 8 مارس 2014

طريقة عمل شيش كباب لحم

طريقة عمل شيش كباب لحم

الطريقة

بتقطعي اللحم مكعبات وضفت عليهم فلفل اسود وفلفل ابيض وشويه ملح صغيرين وتبلتهم وعليهم شوية خل عشان يستوي بسرعه وذبادي وشوية لين وشوية صلصه وكاتشب وجيت في الخلاط ضربت طمطماية وبصله وشويه لبن صغنين موت وصفتهم وضفتهم علي اللحمه

طريقه عمل البسطرمه

طريقه عمل البسطرمه من مطبخ marwa nasser

(1) دا عرق تلبيانكو او من وش الفخده منغير دهن

وزنه حوالى 2 كيلو بالظبط

كان مربوط بخيط وانا فكيته

وغسلته ونشفته كويس و بالسكينه عملت خطوط بسيطه سطحيه عشان الملح

(2) كل كيلو لحمه عليه 200 جم ملح يعنى كوب ملح والعرق دا كان 2 كيلو يعنى حطيت على العرق كوبيتين ملح ناعم ولو فى خشن يكون احسن

(3) لفيت العرق بعد محطيت الملح بفنله جوزى والمفروض احط عليها تقل لمده 24 ساعه
فانا ملقتش حاجه تقيله والجيش قالك اتصرف فحطيت صنيه بايركس مليانه ميه فوق اللحمه

4-تانى يوم شلت الفنله اللحمه بقت مبططه ونزلت كل السوايل اللى فيها واتشربت الملح دا كان شكلها وكانت ناشفه

تنويه بسيط انا جبت خيط منجد وابره وعملت فتحه صغيره فطرف اللحمه عديت منها الخيط وربطه وعلقتها

5-ودا شكلها وهى مكبوسه

6-غسلتها من الملح اللى فيها ونشفتها بفنله تانيه من جوزى بردو

7-بدات بقى فمكونات العجينه اللى هتتحط عالبسطرمه اللى بقالى يومين بعزبها

كوب وربع حلبه مطحونه ناعمه جدا
كوب وربع بابريكا
قرن فلفل احمر عشان يربط ...

8-دا شكل العجينه بعد معجنتها بالميه
خلى العجينه طلايه بحيت انها تكون سهله تتشكل فايدك لان العجينه لو ناشفه هتشقق على البسطرمه
انا لما حسيت العجينه ناشفه شويه ضفت حبه ميه صغيرين تانى