كفتة الحاتي المشوية
 |
| كفتة الحاتي المشوية |
المقادير
لحمة مفرومة بصل مفروم ناعم و معصور من ميته توابل ( ملح فلفل بهارات كمون كزبرة ورق لوري وحبهان ) معلقة سمنة فحم ألطريقه بنقلب اللحمة و البصل المفروم و متصفي من ميته و التوابل مع بعض زي الصورة |
نعمل حفرة في وسط اللحمة المتبلة و نحط فيها معلقه سمنة
نوله فحمة علي النار
نحط الفحمة المشتعلة علي السمنة و نكون حطينها في صينية ليها غطا محكم الغلق و نقفل علي طول
نسيب الدخان لغاية ما ينتهي و متفتحيش عليها إلا لما تتاكدي أن الدخان خلص تماماً
هنا بعد ما الدخان خلص بنشيل الفحمة و نعجن اللحم بالسمنة اللي ولعنا فيها الفحماية
و نبتدي نصبع الكفتة و انا بحب أصبعها تخينة شوية عشان اللحمة بتكش
متنسيش و انتي بتصبعيها بتبلي ايديكي بميه البصل
نحطها في الفرن علي درجة حرارة ١٨٠ و نقلبها كل شوية و لما تنزل الصوص بتاعها و تبدأ ميتها تنشف نحط فحمة مولعه في الصينية علي الصوص اللي نازل منها و نقفل الفرن عليها لغاية ما وشها يحمر بتاخد من تلت ساعه لنص ساعه بالكتير
ليست هناك تعليقات:
إرسال تعليق