كبده بالردة
تجيبي الكبدة متقطعة (خلي الجزار يقطعهالك بانيه هيقطعها شرايح رفيعة جداااااااا)
التتبيلة:
ملعقةصغيرة توم مفروم
كمون و ملح و فلفل اسود
ملعقة صغيرة مسطردة
فلفلة رومي مفرومة و ممكن تستغني عنها
حطي كل ده على الكبدة و غلفيها ب بلاستيك فيلم و سيبيها في التلاجة ساعة كحد ادنى و ممكن اكتر طبعاااااااا
طبق فيه دقيق
بيض و لبن و عليهم كمون و فلفل اسود لتعزيز النكهة ( ممكن تضيفي توم بودرة لو عايزة)
ردة (من الفرن)
و تحطي شرايح الكبدة الاول في الدقيق و تضغطي عليها جاااامد
و بعد كدة البيض
و بعد كدة الردة
حطيتها في طبق فلين مفروش بكيس بلاستيك فوق بعضهم و بين كل طبقة و طبقة كيس بلاستيك علشان ميلزقوش
و ده شكل الكمية كلها بعد ما خلصت
شيليها في الفريزر شوية بقى لحد ما تمسك او لو كنتي عاملاها الصبح شيليها في الفريزر لحد ما تيجي تحمريها و طلعيها من الفريزر على الزيت الساخن جدااااا
وده الشكل النهائي
ليست هناك تعليقات:
إرسال تعليق