طريقة عمل كفتة داوود باشا

 طريقة عمل كفتة داوود باشا




لحمة مفرومة
بنديها فرمة تانية في الكبة مع بصلة
وبعد كده نحط عليها بهارات
ملح , فلفل , معلقة صغيرة جنزبيل , رشة قرفة , حبة خل
و حبة زيت صغننة



نكور اللحمة كور ونحطها في صينية


نحط معلقة سمنة وندحرجها فيها كده ونقلبها

بعد كده نطلعها برة في حاجة تانية طبق او صينية

نعصر كام طماطماية كده في الخلاط


في نفس الصينية اللي شوحنا فيها الكفتة نحط فصين توم مقطعين ونشوحهم مع الصوص اللي نزل من اللحمة وبعد كده نحط الطماطم اللي عصرناها

وبعد كده نحط الكفتة علي طول ونسيبهم يستووا بقا مع بعضيهم


قدمتها مع رز بالشعرية وبطاطس محمرة وزيتون
وبالهنا والشفا عليا